Uda hurbiltzen ari den honetan, pertsona asko beroaren eraginez sorturiko hanken hantura nabaritzen hasiko dira.
BAINA ZERGATIK GERTATZEN DA HAU?
Beroaren eraginez, odol hodiak dilatatu egiten dira, odolak bihotzera egin beharreko itzulerako bidea oztopatzen delarik. Honen eraginez, odola hanketako zainetan pilatuko da, hankak handitzen direlarik.
ZER EGIN DEZAKEGU HAU HOBETZEKO?
Hainbat baliabide erraz dauzkagu eskura odolaren zirkulazioa hobetu eta hanken hantura ekiditeko:
- Ariketa fisikoa: Oso garrantzitsua! Giharren kontrakzioek zainen drainatzea hobetzen dute eta bihotz maiztasuna igotzen denez, odolaren mugimendua ere azkartzen da.
- Hidratazio egoki bat izatea, likidoen pilatzea ekiditeko.
- Kontraste-bainuak edo ur hotza hanketan ematea. Beroaren kontrako eragina du hotzak: zainen uzkurtzea eragiten du, odolaren bihotzerako buelta erraztuz.
- Konpresio sortzen duten medien erabilera.
- Eta nola ez, fisioterapia! Drainatze linfatikoa, zirkulazio masaia edo presoterapia bezlako tekniken bitartez hanken hantura gutxitu eta odolaren itzulera dezakegu eta horrela, uda gehiago disfrutatu ahal izango duzu!
ARIKETA ZIRKULATORIOAK
Ondorengo bideoan (gure YouTubeko kanalean aurki dezakezuena) hanken zirkulazioa hobetzeko ariketa erraz batzuk erakusten dizkizuegu. Barkaiguzue, bideoa gaztelaniaz baitago.
